Հրաձգություն Հելսինկիի կենտրոնում
Հելսինկիի ոստիկանությունը քաղաքի կենտրոնում կրակահերթեր է արձակել զինված մարդու պատճառով, նշված է երեքշաբթի առավոտյան հրապարակված իրավապահ մարմինների հաղորդագրության մեջ, փոխանցում է «ՌԻԱ Նովոստի»-ն:
«Ոստիկանությունը տեղեկություն է ստացել մարդու մասին, որը փողոց է դուրս եկել ատրճանակով զինված: Ոստիկանները նրա հետ զրույց են ունեցել: Սակայն առավոտյան ժամը 6-ին իրադրությունը սրվել է, եւ ոստիկանությունը հրազեն է կիրառել»,- նշված է հաղորդագրության մեջ:
Միջադեպը տեղի է ունեցել Mannerheimintie եւ Korppaanmäentie փողոցների խաչմերուկում, հայտնում է Helsingin Sanomat պարբերականը՝ իրադարձությունների վայրից լուսանկարներ հրապարակելով:
Ոստիկանության կողմից հրազեն կիրառելու գործը քննության է ուղարկվել գլխավոր դատախազություն: