Նյու Յորքում փոթորիկը կարող է ամբողջությամբ ավերել ավելի քան 340 հազար տուն
Հերթական փոթորիկը կարող է ամբողջությամբ ավերել Նյու Յորքի մոտ 340 հազար տները: Դրանցից 75 հազարը էքստրեմալ վտաբգի գոտում են: Այս մասին են վկայում մայիսի 31-ին հրապարակված CoreLogic վերլուծական ընկերության զեկույցի տվյալները, հաղորդում է USA.one
Նահանգում ավերվածությունների վնասը կարող է հասնել մինչեւ 190 մլրդ դոլարի: ԱՄՆ-ի ափամերձ հատվածներում, իրադարձությունների զարգացման ամենավատ տարբերակի դեպքում, կարող են վնասվել 6.9 մլն տներ, ինչը պետությանը 1.6 տրլն դոլար կարժենա: CoreLogic-ի գիտական հետազոտությունների ավագ մասնագետ Թոմ Ջեֆրին, ով աշխատել է զեկույցի վրա, հույս ունի, որ հրապարակված տեղեկատվությունը կօգնի գնահատել ռիսկերը եւ համապատասխանաբար պատրաստվել տարերքի մոտենալուն:
«Մենք չենք ցանկանում ճշգրիտ կանխատեսել սպասվող փոթորկի վնասը: Մենք պարզապես ցանկանում ենք մարդկանց իրադարձությունների զարգացման տարբերակներ ներկայացնել», — բացատրել է Ջեֆրին: