Պաղեստինը հետ է կանչել ԱՄՆ-ում իր դեսպանին
Պաղեստինի ազգային վարչակազմը հետ է կանչել Վաշինգտոնում երկրի դեսպանին, որոշման պատճառ է դարձել Իսրայելում ԱՄՆ դեսպանատան՝ Երուսաղեմ տեղափոխումը, այս մասին տեղեկացնում է Պաղեստինի արտաքին գործերի նախարարությունը:
«Որոշումը կայացվել է ԱՄՆ դեսպանատան՝ Թել Ավիվից Երուսաղեմ տեղափոխումից հետո, դեսպանը տուն կժամանի վաղը», - նշված է հաղորդագրության մեջ:
Հայտնի է, որ դեսպանի հետկանչի հրամանը տվել է Պաղեստինի նախագահ Մահմուդ Աբբասը:
Հիշեցնենք, որ օրերս Իսրայելում տեղի է ունեցել ԱՄՆ դեսպանատան՝ Թել Ավիվից Երուսաղեմ տեղափոխումը, ինչը լուրջ բախումների մեկնարկի պատճառ է դարձել Գազայի գոտում։ Պաղեստինցի ցուցարարների և իսրայելցի ուժայինների բախումների հետևանքով մոտ 6 տասնյակ մարդ է զոհվել։