Ադրբեջանի վերաքննիչ դատարանը կալանքի տակ է թողել Վրաստանում առեւանգված լրագրողին
Ադրբեջանի Վերաքննիչ դատարանը կալանքի տակ է թողել Վրաստանում առեւանգված լրագրող Աֆղան Մուխթարլիին: Ինչպես հաղորդում է contact.az-ը, դատական նիստի ընթացքում դատավորը մերժել է բոլոր 14 պաշտպանական միջնորդությունները:
Դատարանը նաեւ լսել է սահմանային ծառայության տուժած ճանաչված վառատար Գաֆուր Մամեդովի վկայությունը: Սակայն, պատասխանելով Մուխթարլիի եւ նրա փաստաբանի հարցերին, Մամեդովը հակասական վկայություններ է տվել:
Հիշեցնենք, որ Աֆղան Մուխթարլին Թբիլիսիի կենտրոնից առեւանգվել էր Վրաստանի ոստիկանների կողմից 2017 թվականի մայիսի 29-ին եւ տեղափոխվել էր Ադրբեջանի հետ սահման: Հաջորդ օրը նա ձերբակալվել էր 10 հազար եվրո մաքսանենգության, սահմանապահին հակազդեցություն ցույց տալու եւ սահմանն ապօրինի կերպով հատելու համար: