Մեկնարկում է NATO-ի գլխավոր քարտուղարի այցը Թուրքիա
Հյուսիսատլանտյան դաշինքի ղեկավար Յենս Ստոլտենբերգն այսօր մեկնում է Թուրքիա: Այցի շրջանակներում նա հանդիպելու է Թուրքիայի նախագահ Ռեջեփ Թայիփ Էրդողանի, Պաշտպանության և արտաքին գործերի նախարարների հետ:
Այցի նախաշեմին Ստոլտենբերգը հարցազրույց է տվել թուրքական Anadolu գործակալությանը, որում, մասնավորաբար, նշել է․ «Թուրքիան մեր միասնական անվտանգության ամրապնդմանը մեծապես նպաստող պետություններից մեկն է: Թուրքիան դաշինքի առանցքային անդամներից է: Մենք աջակցում ենք Թուրքիային այնպես, ինչպես Թուրքիան է աջակցում մեզ»: