Չինաստանը պատրաստվում է պաշտոնապես վերացնել նախագահի պաշտոնավարման ժամկետի սահմանափակումները
Չինաստանի խորհրդարանն այսօր պատրաստվում է վավերացնել սահմանադրական փոփոխության նախագիծը, որը հնարավորություն կտա գործող նախագահ Սի Ծինփինին մնալ այդ պաշտոնում անորոշ ժամանակով։
Չինաստանի գործող սահմանադրությամբ նույն անձը կարող է նախագահի պաշտոնում մնալ ոչ ավելի, քան երկու հինգամյա ժամկետ։ Մարտի 11֊ին ավելի քան 3,000 պատվիրակներ սահմանադրական փոփոխությունների հարցով քվեարկություն կանցկացնեն Ազգային ժողովրդական կոնգրեսում։ Գրեթե կասկած չկա, որ հատուկ ընտրված պատվիրակները միաձայն կհաստատեն առաջարկվող փոփոխությունները։
Սահմանադրական փոփոխություններում կա նաև ուշագրավ դրույթ, որով կառավարությունը կարող է հակասահմանադրական հայտարարել նախագահի Սի Ծինփինի հասցեին քննադատությունը։