Վիետնամում ձկնավաճառ կատուն հայտնվել է բոլորի ուշադրության կենտրոնում (լուսանկարներ)
Վիետնամի փողոցներում ձուկ վաճառող Լե Քուկ Պոն իր հետ աշխատանքի է տանում երեք տարեկան կատվին՝ Դոգին, որը բառացիորեն օգնում է նրան. կենդանին գրավում է անցորդների ուշադրությունը՝ այսպիսով նպաստելով առևտրի բարեհաջող ընթացքին:
Ինչպես նշում է Bored Panda-ն, յուրահատուկ զույգին պարբերաբար նկատում են շուկաներում. Դոգը, ինչպես իսկական բիզնեսմեն, միշտ լավ է հագնվում և նորաձև տեսք ունի:
«Դոգը սիրում է պաղպաղակ ուտել, ճանապարհորդել ու քնել: Նա նաև մի շարք ընկերուհիներ ու բազմաթիվ երեխաներ ունի ամբողջ երկրում»,- պատմել է կատվի տերը:
Տղամարդու խոսքով՝ Դոգը շատ է սիրում լուսանկարվել և հաճույքով տարբեր կոստյումներ է կրում՝ քայլելով ու կանգնելով մարդու պես, ինչը և հայտնիություն է բերել նրան: