ԵՏՄ–ում բելառուսական կաթի՝ Ռուսաստան մուտքի արգելքը խախտում են համարում
Բելառուսական կաթի մատակարարման ժամանակավոր արգելքը Ռուսաստանին «հակասում է Եվրասիական տնտեսական միության նորմերին»: Այդ մասին հայտարարել է ԵՏՄ արդյունաբերական եւ ագրոարդյունաբերական համալիրի հարցերով նախարար Սերգեյ Սիդորսկին, հաղորդում է ՌԲԿ–ն:
«Սահմանափակումներ մտցնելը օբյեկտների համատեղ ստուգումների եւ ապրանքների (ապրանքների) նմուշառման միասնական կարգի 175-րդ կետի խախտում է հանդիսանում: Ոչ ոք իրավունք չունի անտեսել հանձնաժողովի խորհուրդի որոշումները»,–հայտարարել է հանձնաժողովի անդամը:
Նախարարի խոսքով՝ սահմանափակում է թույլատրվում, եթե էպիզոտիկ իրավիճակը վատթարանում է մարդկանց եւ կենդանիների համար հատուկ վտանգավորության համաճարակային հիվանդությունների պատճառով, սակայն նման հիմք չկա ներկայումս։
«Ռոսսելխոզնադզոր»–ը որոշում է կայացրել փետրվարի 26-ից սկսած ժամանակավորապես արգելել բելառուսական կաթի, սերուցքի եւ կաթնամթերքի մուտքը Ռուսաստան։ Ռուսական գերատեսչությունում, սակայն, հաղորդել են, որ սա վերաբերում է կաթին եւ սերուցքին, եւ ոչ փաթեթավորված արտադրանքներին։