Ճարպակալումը կարող է վարակի՞չ լինել
Որոշ դեպքերում ճարպակալումը կարող է ինֆեկցիոն հիվանդության նշաններ ունենալ, պարզել են Հարավքալիֆորնիական համալսարանի գիտնականները: Հետազոտության վերաբերյալ մամուլի հաղորդագրությունը հրապարակվել է Science Alert կայքում:
Մասնագետներն ուսումնասիրել են ԱՄՆ տարբեր նահանգներում ռազմաբազաներում բնակվող ընտանիքների մասին տեղեկությունները: Որպես հիմք են վերցվել M-TEENS նախագծի վիճակագրական տվյալները: Ընդամենը ընտրվել է 1111 դեռահաս եւ ավելի քան 1300 մեծահասակ:
Պարզվել է, որ ճարպակալման հակվածություն են ունեցել այն ընտանիքների երեխաները, որտեղ այս հիվանդությամբ տառապել է ավագ սերունդը:
Մասնագետները հստակեցնում են, որ մարմնի զանգվածի մեծացման վրա ազդում են մեծ թվով գործոններ, որոնց թվում ոչ վերջին դեր են խաղում ծխելը եւ ճարպակալման նկատմամբ ժառանգական հակվածությունը: Սակայն նրանք ընդգծում են, որ հաճախ կոնկրետ մարդու սովորություններն ուղղակիորեն կախված են նրա սոցիալական շրջապատում ընդունված նորմերից: