Ադրբեջանը, Ռուսաստանը եւ Իրանը մոտ են համաձայնության
Կասպից ծովի կարգավիճակի հարցով Մոսկվայում տեղի ունեցած քննարկումներից հետո ՌԴ ԱԳ նախարար Լավրովը նշել է, որ բոլոր հարցերը քննարկվել են եւ ծրագրվում է հատուկ համաձայնագիր ստորագրել։
«Այսօրվա նիստը նվիրված էր հիմնականում Կասպից ծովի իրավական կարգավիճակի խնդրին»,- ընդգծել է Լավրովը, ավելացնելով, որ իրենց հաջողվել է լուծել մինչ այժմ անլուծելի խնդիրները եւ համաձայնագիր պատրաստել։
«Փաստաթուղթը կխմբագրվի եւ վերջնական տեսքի կբերվի մոտ ապագայում, ինչպես նաեւ կթարգմանվի մերձկասպյան երկրների պաշտոնական լեզուներով, որից հետո հնարավոր կլինի այն ստորագրել»,- ասել է նա։
Երեկ ուշ երեկոյան Մոսկվայում ավարտվել է Ռուսաստանի, Իրանի, Ադրբեջանի, Ղազախստանի եւ Թուրքմենստանի արտգործնախարարների յոթերորդ խորհրդաժողովը։
Բացի կասպիական խնդրից, կողմերն անդրադարձել են նաեւ համագործակցության այլ ոլորտների։
Top-News.am