«Կրոկուսի» ահաբեկչության կազմակերպիչները պատրաստում էին եւս մեկ ահաբեկչություն Միջին Ասիայի երկրներում
Այս թեմայով
- Մեզ ասացին, որ գնանք Կիև, այնտեղ մեզ 1 միլիոն ռուբլի կտան․ Crocus City Hall-ի գործով մեղադրվողներ
- Տաջիկստանում 9 մարդ է ձերբակալվել Crocus City Hall-ի գործով
- Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե
- Crocus City Hall-ում ահաբեկչություն իրականացնողները եղել են թմրամիջոցների կամ հոգեմետ նյութերի ազդեցության տակ
«Կրոկուսի» ահաբեկչության կազմակերպիչները զուգահեռ պատրաստում էին եւս մեկ ահաբեկչություն Միջին Ասիայի երկրներից մեկում, բայց այն հաջողվել է կանխել։ Այս մասին գրել է «Իզվեստիան»՝ հղում կատարելով աղբյուրին։
«Իզվեստիայի» զրուցակիցը երկիրը չի նշել, բայց ընդգծել է, որ դա պետք է տեղի ունենար մոտավորապես նույն ժամանակ, ինչ եւ «Կրոկուս սիթի հոլի» հարձակումը։ Աղբյուրը նշել է մինչ այժմ անհայտ մանրամասներ Մոսկվայում ահաբեկչության պատրաստման մասին։ Նրա խոսքով՝ հանցագործներն այրել են համերգասրահը սովորական բենզինով։
«Կրոկուս» տանող ճանապարհին նրանք մտել են լցակայան, բենզին գնել եւ այն լցրել պլաստիկե շշերի մեջ։ Հետո օգտագործել են սրահն այրելու համար»,- նշել է պարբերականի զրուցակիցը։
Նա ավելացրել է, որ խումբը դասական իմաստով կազմակերպված հանցավոր խումբ չէր, գոյություն չի ունեցել որեւէ կառույցի շրջանակում, այլ ձեւավորվել է տառացիորեն մի քանի շաբաթվա ընթացքում։ Ահաբեկչության մասնակիցներից երկուսը հրահանգներ են ստացել, երբ գտնվել են Թուրքիայում, իսկ մյուսները հավաքագրվել են արդեն Ռուսաստանի տարածքում, նշել է «Իզվեստիայի» զրուցակիցը։