Ովքեր են պատասխան տալու խուճապ տարածելու համար
Երեկ Երեւանի ուսումնական գրեթե բոլոր հաստատություններից՝ մանկապարտեզներից, դպրոցներից, համալսարաններից, քոլեջներից սաներին, աշակերտներին եւ ուսանողներին տունեն ուղարկել, ամենայն հավանականությամբ, հենվելով ԱԻՆ-ի այն հաղորդագրության վրա, թե Տավուշում, Գեղարքունիքում եւ Լոռիում սպասվում է 25 կմ/ժ արագությամբ քամի:
Ուշադրություն դարձրեք՝ ոչ թե Երեւանում, այլ երեք մարզում: Ավելին, ոչ թե փոթորիկ, այլ մի փոքր ուժեղ քամի: Ավելին, ԱԻՆ-ը կոչ է արել մնալ շինություններում, դուրս չգալ: Ուսումնական հաստատությունների տնօրենները արել են հակառակը: Ստացվում է, որ եթե ռեկտորները, տնօրենները, վարիչները վտանգել են երեխաների կյանքը: Ավելին, նրանք իրենց անմիտ գործողություններով խուճապ են առաջացրել:
Գաղտնիք չէ, որ ամենաարագը տարածվում է լկտի սուտը: Երեկ իրենց անխոհեմ քայլով ուսհաստատությունների ղեկավարները ակնհայտ եւ լկտի սուտ են տարածել: Ցավալի է, բայց փաստ՝ նրանք իրենց քայլի համար պատասխանատվության չեն ենթարկվելու:
Top-News.am