«Ազատագրական շարժման» անդամները կաթվածահար էին արել մետրոյի երթևեկությունը. (տեսանյութ)
«Ազատագրական շարժման» անդամները, որոնք վարչապետ Նիկոլ Փաշինյանից պահանջում են հրապարակել դեմարկացիայի և դելիմիտացիայի մասին Ադրբեջանի հետ հավանական կնքվելիք փաստաթուղթը, չորեքշաբթի առավոտյան կաթվածահար էին արել Երևանի մետրոպոլիտենի աշխատանքները՝ անցկացնելով իրազեկման ակցիա:
Շարժումը նախաձեռնել են մեդիափորձագետ Նաիրի Հոխիկյանը, փաստաբան Արա Զոհրաբյանը, նախկին պատգամավոր Սոֆյա Հովսեփյանը և Վազգեն Պետրոսյանը: Շարժմանը երեկվանից միացել են տարբեր հասարակական-քաղաքական գործիչներ և կազմակերպություններ:
Արդեն երկու օր անընդմեջ Շարժումը կազմակերպում է հանրահավաքներ և անհնազանդության միջոցառումներ։
Հիշեցնենք, որ նրանք երեկոյան 18:30-ին պատրաստվում են հանրահավաք անցկացնել Հանրապետության հրապարակում:
Մանրամասները՝ 24news.am-ի տեսանյութում: