Նոր iPhone-ները նոր անուններ կստանան
iPhone սմարթֆոնների համար աքսեսուարներ արտադրողները վերջերս սկսել են փոփոխել «աջակցող սարքեր» կետում ներառված սարքերի անվանումները. ցուցակից անհետացել են iPhone 7s-ը եւ iPhone 7s Plus-ը, հայտնում է Wccftech-ը:
Նշվում է, որ փոփոխություններն այնքան էլ վաղուց չեն կատարվել, եւ հավանաբար, նոր սմարթֆոնների հավաքածուն այլ անվանում կունենա:
Արտադրողների տվյալներով՝ սարքերը նոր անուններ կստանան՝ iPhone 8, iPhone 8 Plus եւ iPhone Edition, փոխարինելով համապատասխանաբար iPhone 7s-ին, iPhone 7s Plus-ին եւ iPhone 8-ին:
Ավելի վաղ Apple-ը պաշտոնապես հաստատել է, որ նոր iPhone 8-ի շնորհանդեսը տեղի կունենա սեպտեմբերի 12-ին: