Գիտնականները պարզել են մարդու կյանքի տևողության առավելագույն սահմանը
Հոլանդացի գիտնականները պարզել են մարդու կյանքի տևողության առավելագույն հնարավոր չափը:
Ինչպես հաղորդում է Lenta.ru-ն՝ մեջբերոլով Տիլբուրգի համալսարանի անցկացրած հետազոտության արդյունքները, մասնագետների գնահատմամբ՝ կանայք կարող են ապրել մինչև 115.7 տարեկանը, իսկ տղամարդիկ՝ մինչև 114.1:
Գիտնականները պարզել են, որ 1986-2015 թվականներին մարդու կյանքի առավելագույն տևողությունը, չնայած մարդկանց թվաքանակի եռապատկմանը, 95 տարուց բարձր է եղել, և այդ ցուցանիշը գրեթե չի փոխվել: Հեղինակներն այս հանգամանքը մարդկային կյանքի տևողության սահմանափակ լինելու ապացույցն են համարում:
Այս եզրակացությանը մասնագետները եկել են՝ վիճակագրական վերլուծության ենթարկելով 94 տարեկանից բարձր ավելի քան 75000 նիդերլանդացու կյանքի տևողությունը, որոնք մահացել են վերջին 30 տարում:
Երկրագնդի վրա երբևէ բնակված ամենաերկարակյաց անձնավորությունը, ում ծննդյան ծննդյան և մահվան ամսաթվերը պաշտոնապես հաստատված են, ֆրանսուհի Ժաննա Կալմանն է եղել, որը մահացել է 1997-ի օգոստոսին: Նա ապրել է 122 տարի, 5 ամիս, 14 օր: