Հայտնի է «Եվրատեսիլ 2018»-ի անցկացման վայրն ու ժամանակահատվածը
«Եվրատեսիլ 2018»-ի անցկացման վայրն ու ժամանակահատվածը հայտնի է։ Մրցույթի կազմակերպիչները Twitter-ի էջում պաշտոնապես հայտնել են, թե երբ տեղի կունենա եվրոպական հեղինակավոր մրցույթը.
««Եվրատեսիլ 2018»-ը տեղի կունենա մայիսի 8-ին, 10-ին եւ 12-ին՝ Լիսաբոնի MEO Arena-ում»,- գրված է հայտարարության մեջ։
Հիշեցնենք, որ այս տարի Սալվադոր Սոբրալն իր հիասքանչ ելույթով հաղթանակ բերեց Պորտուգալիային։ 49 տարի անց Պորտուգալիան հաղթեց «Եվրատեսիլ»-ում: Սալվադոր Սոբրալը Եվրոպան նվաճեց Amar pelos dois երգով, որը գրել է նրա քույրը՝ Լուիզան:
Իսկ մինչ մեզ սպասում է Լիսաբոնը, «Եվրատեսիլ»-ի կայքը տեսահոլովակ է հրապարակել քաղաքի մասին, որը հաջորդ տարի ընդունելու է Եվրոպայում մեծ ճանաչում ունեցող երաժշտական մրցույթի մասնակիցներին եւ հյուրերին: