Հինգշաբթի, 19 Հունվարի 00:05
 ՀԱՅԱՍՏԱՆ  ԼՂՀ  ԱՇԽԱՐՀ  ՓՈՂԵՐ  ՄԱՐԴԻԿ  ԱՌԱՋԸՆԹԱՑ  ԽՃԱՆԿԱՐ 

Էրդողանը կործանում է Թուրքիայի տնտեսությունը

2016-12-23 12:24:34

 Գերմանական «Commerzbank»-ը Թուրքիայի տնտեսության վերաբերյալ բավական հոռետեսական զեկույց է հրապարակել: «Sputnik»-ի թուրքական ծառայության տեղեկացմամբ՝ զեկույցը կրում է «Թուրքիայի տնտեսությունը կործանվում է» վերնագիրը: «Commerzbank»-ի բնութագրմամբ՝ 2017թ. Թուրքիայի տնտեսական առաջխաղացման վերաբերյալ Թուրքիայի վիճակագրական ընկերության (ԹՎԸ-TÜİK) հրապարակված ակնկալիքներն ուղղակի «հեքիաթ» են: Փոխանցում է «Ermenihaber.am»-ը:

Գերմանական բանկը ներկայացրել է Թուրքիայի տնտեսական վիճակի և զարգացման հեռանկարների վերաբերյալ սեփական վերլուծությունը: Ըստ այդմ՝ այս տարվա երրորդ քառորդում Թուրքիայի տնտեսությունը նախորդ եռամսյակի համեմատ 4.5 տոկոսով հետընթաց է ապրել: Նշենք, որ ըստ TÜİK-ի՝ տարվա երրորդ քառորդում տարեկան կտրվածքով անկումը կազմել է ընդամենը 1.8 տոկոս:
«Commerzbank»-ի բնութագրմամբ՝ 4.5 տոկոսանոց անկումը տնտեսության համար ուղղակի կործանիչ նշանակություն ունի: «Պատկերացրեք, որ հաջորդ երեք եռամսյակների ընթացքում տնտեսությունը նույն չափով շարունակի անկում ապրել: Դա կնշանակի, որ 2017թ. երկրորդ քառորդում տնտեսությունը տարեկան կտրվածքով 16.8 տոկոս անկում կգրանցի»,-ասված է զեկույցում:
Գերմանական բանկը եզրակացնում է, որ նման տվյալների դեպքում դժվար է պատկերացնել, թե 2017թ. Թուրքիայի տնտեսությունը որևէ առաջընթաց կարող է գրանցել: «Վիճակն իսկապես չափազանց վատ է, իսկ 2017թ. առաջընթացի բոլոր ակնկալիքները ուղղակի հեքիաթ են», - ասված է զեկույցում: Բանկը նշում է, որ ստեղծված իրավիճակը շատ ծանր կանդրադառնա նաև առանց այդ էլ վատ դիրքերում գտնվող թուրքական լիրայի վրա:
Հավելենք նաև, որ TÜİK-ի և Թուրքիայի կենտրոնական բանկի կողմից սպառողների շրջանում կատարված համատեղ ուսումնասիրության արդյունքների համաձայն՝ սպառողների վստահության ցուցանիշը դեկտեմբերին նախորդ ամսվա համեմատ նվազել է 8 տոկոսով: Դա 2008թ. նոյեմբերից հետո գրանցված ամենամեծ ամսական անկումն է:

Աղբյուր` Ermenihaber.am



ՎԵՐԼՈՒԾՈՒԹՅՈՒՆՆԵՐ

ԹՈՓ ՎԻԴԵՈՆԵՐ

ԹՈՓ ՖՈՏՈՆԵՐ

ԹՈՓ ՑԻՏԱՏՆԵՐ
 Գյումրին և Վանաձորը չեն կարող իրարից անկախ էական զարգացում ապրել: Խնդիրները պետք է դիտել Հայաստանի երկու խոշոր քաղաքների զարգացման գաղափարախոսության և հստակ ծրագրի մեջ: Մենք համոզված ենք, որ պետք է որպես առաջնահերթ խնդիր դնել խոշոր ռեսուրսների հայթայթումը՝ Գյումրիի և Վանաձորի արտադրական հզորությունների, այդ քաղաքների՝ Հայաստանի և տարածաշրջանի համար պատմական, տնտեսական նշանակության վերականգնման համար:
Մենք չենք կարող մեզ թույլ տալ հայ-թուրքական սահմանին այսօրվա չքավորության, ծանր սոցիալական պայմաններում ապրող Գյումրի: Սա պետական անվտանգության խնդիր է: Գյումրին պետք է լինի արագ զարգացող, տնտեսապես գրավիչ, կենսունակ քաղաք:

Վարդան Օսկանյան
«Համախմբում» կուսակցության նախագահ

Գյումրի, 26.08.2016թ.
Այնպիսի տպավորություն է, որ Հայաստանը ղեկավարություն չունի կամ նույն այդ ղեկավարությունը չի նկատում ժողովրդին: Այս էլ որերորդ անգամ երկրի առաջին դեմքերը լռում են եւ ոչինչ չեն ասում: Լռում է Սերժ Սարգսյանը, Գալուստ Սարգսյանը, Հովիկ Աբրահամյանը: Լռում են այնպես, ինչպես ապրիլյան արյունալի մարտական գործողությունների ժամաբնակ, ինչպես մյուս բոլոր կարեւոր իրադարձությունների ժամանակ: Լռում են, հետո զարմանում, թե ինչու ժողովուրդն իրենց չի վստահում կամ չի աջակցում: Այսքանից հետո ինչպես աջակցի:

«Համախմբում» կուսակցության վարչության անդամ Գեղամ Նազարյան

18.07.2016թ.

 Բարի մարդկանց կարիքը կա, որ գործնականում օգնեն մարդկանց, կարիքը կա ավելի արդար հասարակության, որտեղ յուրաքանչյուրը կարողանա արժանավայել կյանք վարել եւ արդարորեն հատուցվող աշխատանք ունենա:

Հռոմի պապ Ֆրանցիսկոս
Հայաստան, Գյումրի, 25.06.2016թ.
Չեմ բացառում Արցախի անկախության ճանաչումը եւ կարծում եմ, որ բանակցային գործընթացի հետ կապված Ադրբեջանի կեցվածքը ուղղակի պարտադրում է հայկական կողմին այս հարցերում ավելի վճռական քայլերի դիմել: Ինչպիսին կլինեն այդ քայլերը՝ անկախության ճանաչո՞ւմ, թե՞ պայմանագրի ստորագրում. դա պետք է որոշի հաջորդ նախագահը եւ կառավարությունը:
Այս տասը տարվա ընթացքում երկու անգամ նման իրավիճակներ ունեցել եմ: Եւ եթե այն ժամանակ կտրուկ մոտեցումներ չձեռնարկեի, ապա շատ հավանական է, որ բանակցային գործընթացը շատ անբարենպաստ ձեւով շարունակվեր Հայաստանի համար: Չեմ կարծում, որ այդպես է: Իսկ եթե նույնիսկ այդպես է, ապա չպետք է վախենանք եւ այդ սպառնալիքի տակ գնանք ինչ-որ զիջումների:

ՀՀ 2-րդ նախագահ Ռոբերտ Քոչարյան
Ապրիլ 2008թ.
Կարելի է պնդել, որ Հայաստանում արդեն իսկ կան բազմաթիվ կուսակցություններ, որոնք կիսում կամ հնչեցնում են նմանատիպ մտահոգություններ, սակայն նշված խնդիրների իրագործումը ներկայիս քաղաքական դաշտը դեռևս չի կարողացել ապահովել: Հետևաբար, ողջունելի է նոր ուժը, որ կարող է այս տագնապալի ներքաղաքական և աշխարհաքաղաքական իրավիճակում կատարել 70 տոկոս աղքատություն ունեցող հասարակության չարդարացված սպասումներն ու վերականգնել հարյուր հազարավոր արտագաղթածների կորսված հույսերը:
Այսպիսով, քաղաքական նոր կուսակցության արդյունավետ գործողությունների հետևանքով կարող է տեղի ունենալ իրական ՀԱՄԱԽՄԲՈՒՄ:

ՀՀ Մարդու իրավունքների նախկին պաշտպան Կարեն Անդրեասյանի ՖԲ էջից 

ՀԵՏԵՎԵՔ ՄԵԶ
Top-News.am (c) 2011. Բոլոր իրավունքները պաշտպանված են: Էլեկտրոնային հասցե` [email protected]

Designed by Arevik Martirosyan
Created by Rudolf Perikhanyan