Թուրքիան ուժեղացնում է Միջին միջանցքը
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն Ստամբուլի արդյունաբերական պալատի նիստի ժամանակ խոսել է Հորմուզի նեղուցի շուրջ իրավիճակի մասին։ Այդ համատեքստում նա անդրադարձել է այլընտրանքային կապուղիներին՝ հիշատակելով «Զանգեզուրի միջանցքը»։ Այս մասին հայտնում է Ermenihaber.am-ը։
Ուրալօղլուի խոսքով՝ Հորմուզի շուրջ ստեղծված իրավիճակը արագացրել է համաշխարհային առևտրում այլընտրանքային ուղիների որոնումը և օրակարգ բերել այլընտրանքային տրանսպորտային ուղիների կարևորությունը։
«Ասիայի, Եվրոպայի և Աֆրիկայի հատման կետում գտնվող մեր երկիրը՝ իր աշխարհագրական դիրքի շնորհիվ՝ առաջարկած անվտանգ, արագ և մրցունակ միջանցքներով դառնում է համաշխարհային առևտրի նոր ողնաշարերից մեկը։ Ըստ մեր նախագահի տեսլականի՝ առաջ մղվող Միջին միջանցքի շնորհիվ Չինաստանից Եվրոպա տեղափոխման ժամանակը զգալիորեն կրճատվել է ավանդական երթուղիների համեմատ»,-պնդել է նա։
Թուրք նախարարը նշել է, որ Սուեզի ջրանցքով միջինում 35 օր և Բարեհուսո (Cape of Good Hope) հրվանդանով մոտավորապես 45 օր տևող տեղափոխումը Միջին միջանցքով կրճատվել է մինչև 18 օր։
«Մեր նպատակն է կրճատել այս ժամանակը մինչև 14 օր: Միջին միջանցքը հզորացնելու համար մենք նաև սկսել ենք աշխատանքները Կարս-Իգդիր-Արալըք-Դիլուջու երկաթուղային գծի ուղղությամբ, որը կմիանա Զանգեզուրի միջանցքին»,-ասել է նա:
Ամփոփվել է 110 տեղամասի արդյունքները
Պարեկային ծառայությունը համալրվել է իտալական նոր մոտոցիկլետներով
Տաշիրի Կաթնառատում «Քաղաքացիական պայմանագիրը» ստացել է 259, «Ուժեղ Հայաստանը» 160 ձայն
Նոր ԱԺ-ում կլինի 105 պատգամավոր. ՔՊ-ն կունենա 61 մանդատ, «Ուժեղ Հայաստանը»՝ 28, «Հայաստան»–ը՝ 11, ԲՀ...
«Հայաստան» դաշինքի նախընտրական շտաբը հայտարարություն է տարածել
Բացահայտվել և չեզոքացվել է շուրջ 45 ընտրողի ընդհանուր 7,5 մլն ՀՀ դրամի չափով ընտրակաշառք տալու հանցա...
Հայտնի են էլեկտրոնային քվեարկության արդյունքները. ՔՊ-ն ստացել է ձայների ճնշող մեծամասնությունը
Ընտրությունից հետո ՌԴ մեկնել պատրաստվող Հովհաննես Սահակյանը ձերբակալվել է
Արմավիրի մարզում գործում է 169 ընտրական տեղամաս
Զախարովան մեկնաբանել է Հայաստանի խորհրդարանական ընտրությունները