Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail
Այս թեմայով
- Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները
- Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի
- Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել
- Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը
Օքսֆորդի համալսարանի մասնագետները պարզել են, որ պաշտոնական վիճակագրությունը քաղցկեղից կամ դժբախտ պատահարից մահացած մարդկանց գրանցել են որպես կորոնավիրուսի զոհեր, գրում է Daily Mail-ը: Վերլուծության են ենթարկվել հուլիս և օգոստոս ամիսների տվյալները: Փորձագետներին հայտնի է դարձել, որ COVID-19-ի վերաբերյալ զեկույցներում ընդգրկված մարդկանց մոտ 30 տոկոսը մահացել է այլ պատճառներից: Սա նշանակում է, որ Մեծ Բրիտանիայում կորոնավիրուսի զոհերից առնվազն 3.5 հազարը այդ հիվանդությունից չի մահացել:
Բժիշկները նշում են, որ նման վիճակագրությունը խեղաթյուրում է իրերի իրական վիճակը և հնարավորություն չի տալիս ճիշտ գնահատել իրավիճակը: Անհրաժեշտ է հստակ իմանալ՝ արդյոք վիրուսը նույնքան մահացու է, որքան գարնանն էր: Ապացուցողական բժշկության կենտրոնի մասնագետները վստահ են, որ հիվանդությունը թուլացել է, և մարդկանց մեծ մասն այն ավելի թեթև է տանում: