Փաշինյանի Հայաստանում ընդդիմադիր պատգամավորներին ապօրինի գաղտնալսելը թույլատրվում է, արհեստածին տեսաձայնագրություններով հետապնդումները` ողջունվում
ՀՀ գլխավոր դատախազությունը պարտակում է ընդդիմադիր պատգամավորներին ապօրինի գաղտնալսումները. Նրանց հեռախոսներում գաղտնալսող ծրագրեր տեղադրելու հայտարարությունները թողել է անհետեւանք:
Հիշեցնենք, որ դեռևս մայիսի 4-ին ԱԺ «Հայաստան» խմբակցության պատգամավոր Գեղամ Մանուկյանը հայտարարել էր, որ մի խումբ ընդդիմադիր պատգամավորների հեռախոսների մեջ տեղադրել են գաղտնալսող ծրագիր: Պատգամավորներն ունեն սահմանադրական անձեռնմխելիություն, ավելին` օրենքն ուղղակի արգելում է ապօրինի գաղտնալսումները:
«Փաստինֆո»-ն կապ հաստատեց ՀՀ գլխավոր դատախազության հետ՝ պարզելու, թե արդյո՞ք ընթացք տրվել է անձեռնմխելիության կարգավիճակում գտնվող անձանց ապօրինի գաղտնալսելու վերաբերյալ հայտարարություններին, պարզվեց՝ ոչ։
«Տեսանյութում հայտարարությունը շատ ընդհանրական է: Կոնկրետ տվյալներ, հանգամանքներ ներկայացվելու դեպքում պատշաճ իրավական ընթացակարգերով ստուգման առարկա կդարձվի»,-մեր հարցին ի պատասխան հայտնեցին ՀՀ գլխավոր դատախազությունից: Փոխարենը` դատախազությունը ընթացք է տալիս ձմռանը մուրացկան կանան գումար տալու մասին տեսանյութին` դա ներկայացնելով որպես ապրիլ-մայիս ամիսներին քաղաքացիներին կաշառքի բաժանում ու ապօրինի հետապնդում իրականացնում: