Իշխող դաշինքը չի կարող «Հայաստան» խմբակցության փոխարեն որոշում կայացնի․ Գեղամ Մանուկյան
«Մի բան հստակ է՝ իշխող դաշինքը չի կարող «Հայաստան» խմբակցության փոխարեն որոշում կայացնի և չի կարող պարտադրի իր որոշումը և այդ նպատակով էլ օրենսդրական կարգավորումով ընդդիմությանը վերապահված են որոշակի տեղեր»,-ԱԺ Պաշտպանության և անվտանգության մշտական հանձնաժողովի նիստի իր ելույթում նշեց «Հայաստան» խմբակցության պատգամավոր Գեղամ Մանուկյանը։ Նշենք, որ խմբակցությունը 8-րդ անգամ հանձնաժաղովի նախագահի տեղակալի պաշտոնում առաջադրում էր խմբակցության պատգամավոր Արթուր Ղազինյանի թեկնածությունը:
Գեղամ Մանուկյանը, ընդգծելով , որ իշխող քաղաքական ուժը հանձնաժողովի փոխնախագահի ընտրությունը տապալելով խոչընդոտում է օրվա նիստի օրակարգի մյուս հարցերի քննարկումը, ասաց, որ շատ կարևոր հարցեր կան օրակարգում՝ զինծառայողի կարգավիճակի և պետական սահմանի նախագծերի վերաբերյալ հարևցերը: Թեման մանրամասնում է տեսանյութը։