նիկոլի ստերը, ցինիզմը եւ ծրագիրը
Հայաստանյան հասարակությունն այնքան թույլ է, այնքան տկար, այնքան բարոյալքված, որ նիկոլը ոչ միայն նոյեմբերի 10-ից հետո մնաց վարչապետի աթոռին, այլ անգամ շարունակում է ստել, շարունակում է խաբել, շարունակում է մարդկանց թյուրիմացության մեջ գցել, իհարկե, այդ ամենը համեմելով ցինիզմով:
նիկոլը բունկերում պպզած թաքնվելուց հետո այսօր արդեն դիպուկահարների, հազարավոր ոստիկանների ուղեկցությամբ, զրահաբաճկոնը, գուցեեւ տակդիրը հագած մտնում է Ազգային ժողով եւ ստում, խաբում, կեղտոտում այս երկիրը:
Նրա ցինիզմն այնքան մեծ է, նրա ատելությունը հայերի նկատմամբ այնքան մեծ է, որ նայում է մարդկանց աչքերին ու ասում, թե իմ որդին ամենաթեժ կետերում է եղել, իմ կինը մասնակցել է մարտական գործողություններին:
Սրա որդին որպես խաղալիք օգտագործվել է մարտական գործողությունների ժամանակ: Այնքան է օգտագործվել, որ անգամ սկսել է ընդվզել, խնդրել վերջ տալ բեմականացումներին: Իսկ կնոջ համար Գորիսի Տեղ գյուղում, մարտական գործողություններից հարյուրավոր կիլոմետրեր հեռու խրամատ էին փորել եւ բլինդաժ սարքել, որ ֆոտոսեսիաներով զբաղվի:
Իսկ հիմա, լրատվամիջոցների գիտակցված կամ անգիտակցված օգնությամբ նոր ծրագրեր է կազմում, անգամ չի էլ թաքցնում, թե ինչ է ուզում անել.
ա. եղբայրություն հաստատել Թուրքիայի եւ Ադրբեջանի հետ
բ. Սյունիքը կիսելով միջանցք տրամադրել Ադրբեջանին
գ. քարուքանդ անել Հայ Առաքելական եկեղեցին
դ. քարուքանդ անել կրթական համակարգը
ե. Հայաստան վերադարձնել ադրբեջանցիներին
զ. կտրուկ փոխել ժողովրդագրական պատկերը
Սրան ավելացնենք նաեւ նրա «մուտիտները» կորոնավիրուսի դեմ պատվաստման ոլորտում: Նա եւ իր մերձակա շրջապատը պատվաստվում են ռուսաստանյան Սպուտնիկով, իսկ մյուսներին ուզում է եւ անգամ ցանկանում է պարտադրել պատվաստվել Աստրա զենեկայով, որը, ըստ շատ մասնագետների, լուրջ առողջական խնդիրներ է առաջացնում:
Իսկ հանրությունը հանդուրժում է սրան, իսկ լրատվամիջոցները սրան չեն բոյկոտում, ավելին, սենսացիոն կամ կարդացվող նյութ ունենալու համար անգամ գրում են, թե իմքայլական էսինչն ու էնինչը պայքարում են այսինինչ պաշտոնի համար, մարդկանց հասկացնելով, համոզելով, թե արտահերթ ընտրությունների ելքը վաղուց արդեն հայտնի է, եւ միակ խնդիրը այն է, թե իմքայլականներից ով ինչ պաշտոն կստանա:
Սա է հայաստանյան գորշ ու տխուր իրականությւոնը 2021թ. մայիսի 5-ին: Եւ նաեւ այն, որ կան մարդիկ, որոնք արդեն սպասում են, որ ընտրությունների ժամանակ փող են վերցնելու եւ քվեարկելու: Սա ենք մենք:
Top-News.am