Ալիևը չի բացառել Երևանի հետ խաղաղության համաձայնագրի կնքումն ու կոչով դիմել է Հայաստանի քաղհասարակությանը
Ադրբեջանի նախագահ Իլհամ Ալիեւը հայտարարել է, որ Բաքուն պատրաստ է ստորագրել խաղաղության համաձայնագիր Լեռնային Ղարաբաղի առնչությամբ, սակայն Հայաստանից պատասխան արձագանք չկա։ Այս մասին հայտնում են ռուսական լրատվամիջոցները։
«Մենք հավատում ենք, որ հակամարտության էջը փակ է: Ես արդեն մի քանի անգամ խոսել եմ Հայաստանի հետ հնարավոր խաղաղ համաձայնագրի մասին... Իրավիճակը պատերազմից հետո դեռ փխրուն է: Հրադադարի ռեժիմը պահպանվում է, բայց չնայած դրան, մենք դեռ շատ հարցեր ունենք հետպատերազմյան զարգացման հետ կապված»,-ասել է նա Բաքվում կայացած խորհրդաժողովում:
Ալիևը նաև կոչ է արել Հայաստանի քաղաքացիական հասարակությանը համագործակցել տարածաշրջանում խաղաղ շինարարության ոլորտում: