Ռոհանին նշել է Իրանի կողմից միջուկային գործարքով պարտավորությունների կատարման պայմանները
Իրանը կվերադառնա միջուկային գործարքի կատարմանը, եթե ԱՄՆ ընտրված նախագահ Ջո Բայդենը անի նույնը: Այս մասին այսօր հայտարարել է Իրանի նախագահ Հասան Ռոհանին, փոխանցում է «ՌԻԱ Նովոստի»-ն:
«Մենք նրանցից, ովքեր այսօր Սպիտակ տանը իշխանություն կստանան, ակնկալում ենք վերադարձ օրենքի, պարտավորությունների եւ ջանքերի կատարմանը, եթե նրանք կարողանան ազատվել նախկին 4 տարիների բոլոր սեւ բծերից, չնայած որոշներն ընդմիշտ կմնան պատմության մեջ: Նրանք պետք է վերադառնան միջազգային նորմերին եւ բանաձեւերին, 2231 բանաձեւին (որը հավանություն է տվել ՀԳՀԾ-ին): Եթե նրանք, իհարկե, վերադառնան, մեր պատասխանը դրական կլինի»,- ասել է Ռոհանին կառավարության նիստում:
Նրա խոսքով՝ եթե ԱՄՆ-ն դա ցուցադրի գործով, Իրանը կգործի իր բոլոր պարտավորություններին համապատասխան: