Մելանյա Թրամփը Սպիտակ տանը կհանդիպի Ռուսաստանի և Ուկրաինայի ներկայացուցիչների հետ
ԱՄՆ առաջին տիկին Մելանյա Թրամփը նոյեմբերի 5-ին Սպիտակ տանը հայտարարությամբ հանդես կգա Ուկրաինայի Խերսոնի մարզի՝ ռուսական օկուպացիայի տակ գտնվող Օլեշկի քաղաքում իրականացված մարդասիրական առաքելության արդյունքների վերաբերյալ։
Հնարավոր է՝ այդ օրը նա նաև հանդիպի Ռուսաստանի և Ուկրաինայի ներկայացուցիչների հետ՝ քննարկելու մարդասիրական հրադադարի հարցը, նշված է Սպիտակ տան պաշտոնական կայքում հրապարակված հայտարարության մեջ։ Մելանյա Թրամփի ելույթը նախատեսված է հինգշաբթի՝ նոյեմբերի 5-ին, Վաշինգտոնի ժամանակով ժամը 11:00-ին։ Միաժամանակ հստակեցված չէ՝ արդյոք Ռուսաստանի և Ուկրաինայի ներկայացուցիչների հանդիպումը կկայանա նույն օրը։
Ինչպես հայտնում է ՌԲԿ-Ուկրաինան, ամերիկյան կողմի հետ հանդիպմանը կմասնակցեն Ուկրաինայի Գերագույն ռադայի «Ժողովրդի ծառա» խմբակցության ներկայացուցիչ Դավիթ Արախամիան և մարդու իրավունքների հանձնակատար Դմիտրի Լուբինեցը։
Ռուսական կողմից Սպիտակ տուն կժամանեն ՌԴ նախագահ Վլադիմիր Պուտինի հատուկ ներկայացուցիչ Կիրիլ Դմիտրիևը և օմբուդսմեն Յանա Լանտրատովան։
Հրադադարը Օլեշկիում
Օլեշկիում և հարակից տարածքներում մարդասիրական հրադադարը հաստատվել էր հոկտեմբերի 27-ի վաղ առավոտյան և գործել մինչև նոյեմբերի 1-ը՝ ժամը 22:59-ը։
Պայմանավորվածությունը ձեռք էր բերվել կողմերի միջև՝ Մելանյա Թրամփի միջնորդությամբ։ Մոսկվան և Կիևը նրան ներկայացրել են որպես մարդասիրական դադարի ապահովման գործում առանցքային միջնորդ։
Գործողության ընթացքում Օլեշկիից տարհանվել են հարյուրավոր քաղաքացիական անձինք, իսկ քաղաք և հարակից տարածքներ են հասցվել մարդասիրական օգնության բեռներ։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս