Հայկական հնամենի թաղամասի պատմական սահմանները Կիեւում
Կիևում վիզուալիզացրել են Հայկական հնագույն թաղամասի պատմությունը, հայտնում է AnalitikaUA.net-ը:
Մայրաքաղաքում իրականացվում է «Կորսված Կիև» («Втрачений Київ») պատմալուսավորչական նախագիծը, որի շրջանակներում Պոդոլ թաղամասում հայտնվել են նոր տեղեկատվական ցուցանակներ: Դրանք նշում են Հայկական հնամենի թաղամասի պատմական սահմանները (XIV–XVII դդ.) և Հայ Առաքելական Եկեղեցու Սուրբ Աստվածածնի Ծննդյան եկեղեցու տեղակայումը:
Ծրագրի նախաձեռնողներն են Կիևի քաղաքային պետական վարչակազմի (ԿՔՊՎ) Մշակութային ժառանգության պահպանության դեպարտամենտը, «Հին Կիև» պետական պատմաճարտարապետական արգելոցը, Հնագիտական առարկաների կոնսերվացման կենտրոնը և «Ուկրաինա Ինկոգնիտա» հասարակական կազմակերպությունը:
Փողոցային կողմնորոշման նոր տարրերը քաղաքի բնակիչներին և հյուրերին ծանոթացնում են Կիևի բազմամշակութային անցյալի հետ: Տեղեկատվական սյուներից մեկը պաշտոնապես փաստում է միջնադարյան հայկական թաղամասի և Պոդոլի հնագույն գերեզմանատան սահմանները: Ցուցանակի տեքստը հղում է անում 1984 թվականի հնագիտական պեղումներին, երբ այստեղ հայտնաբերվել էր տիպիկ հայկական խաչքարերով և մինչև XII դար թվագրվող թաղումներով գերեզմանատուն:
Առանձին ցուցանակ է տեղադրվել Պոկրովսկայա փողոցում՝ գործող ուղղափառ եկեղեցու անմիջապես կողքին, որը մատնանշում է բուն տաճարի՝ XIV դարի հնագույն քարե հայկական եկեղեցու ճշգրիտ վայրը: Հնագիտական այս հուշարձանն ուսումնասիրվել է 1975 և 1985 թվականներին, որից հետո հնագույն հիմքերի և խորանի մնացորդները կոնսերվացվել են:
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Էրեբունի-րևան. ինչպես է փոխվել մայրաքաղաքի ծննդյան տոնը՝ հոբելյանական միջոցառումից մինչև քաղաքային ա...
Երբ դուրս ես գալիս խաղադաշտ, մտածում ես բացառապես հաղթանակի մասին
Այրարատ կինոթատրոնն ու այլ գույքեր՝ իրավական վեճի կենտրոնում
Ճիշտ պահն է մտածելու Էվերթոնի պատմության հաջորդ գլխի մասին
Իրականացվում են պատմության և մշակույթի հուշարձանների վերականգնման աշխատանքներ
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Ուկրաինան հարվածներ է հասցնում Ռուսաստանում Յանդեքսի տվյալների կենտրոններին
Կլիչկոն խորհուրդ է տվել Կիևի բնակիչներին ժամանակավորապես հեռանալ քաղաքից