Ֆւտբոլիստներն ունեն բավարար ազդեցություն՝ ստեղծված իրավիճակը փոխելու համար
Ֆրանսիայի հավաքականի լեգենդար հարձակվող Թիերի Անրին անդրադարձել է ՖԻՖԱ-ի շուրջ ստեղծված լարվածությանը՝ վստահություն հայտնելով, որ ֆուտբոլիստներն ունեն բավարար լծակներ և ազդեցություն՝ ստեղծված իրավիճակը փոխելու համար։
ՈՒԵՖԱ-ն և մի շարք այլ կոնֆեդերացիաներ լուրջ տարաձայնություններ ունեն Ֆուտբոլի միջազգային ֆեդերացիայի հետ։ Կոնֆլիկտի հիմնական պատճառն այն է, որ ՖԻՖԱ-ն մտադիր էր վաճառել աշխարհի առաջնության կոմերցիոն իրավունքների մի մասը, ինչը դժգոհությունների մեծ ալիք է բարձրացրել ֆուտբոլային աշխարհում։
Խոսելով խնդրի մասին՝ Անրին զուգահեռներ է անցկացրել ամերիկյան սպորտային մշակույթի հետ. «ԱՄՆ-ում տղաները շատ լավ գիտեն՝ երբ խաղացողն ուզում է ինչ-որ նախաձեռնությամբ հանդես գալ, լիգան լսում է նրան։ Դուք դա հստակ տեսել եք NBA-ում կամ NFL-ում… Չնայած ֆուտբոլում խաղացողներին միշտ փորձում են դիտարկել մի փոքր լուսանցքում՝ իբր գնա, զվարճացրու հանդիսատեսին, վերցրու փողերդ ու հեռացիր։
Մենք հիմա քննարկում ենք, թե ինչ կարող է փոխվել։ Յուրաքանչյուրս կարող է ունենալ իր կարծիքը՝ լավ կամ վատ… Բայց, ըստ իս, խաղացողներն իրականում շատ ավելի մեծ իշխանություն ունեն, քան իրենք են կարծում։ Եթե նրանք իսկապես ցանկանան ինչ-որ բան փոխել, ապա հաստատ կարող են դա անել, հատկապես մեր ժամանակներում»,- ֆրանսիացի նախկին հարձակվողի խոսքերը մեջբերում է The Guardian-ը:
Ինչո՞ւ է Հայաստանը տեղափոխվում Երևան
Բյուրոկրատիան ընդդեմ Հայաստանի զարգացման
Էրեբունի-րևան. ինչպես է փոխվել մայրաքաղաքի ծննդյան տոնը՝ հոբելյանական միջոցառումից մինչև քաղաքային ա...
Երբ դուրս ես գալիս խաղադաշտ, մտածում ես բացառապես հաղթանակի մասին
Այրարատ կինոթատրոնն ու այլ գույքեր՝ իրավական վեճի կենտրոնում
Ճիշտ պահն է մտածելու Էվերթոնի պատմության հաջորդ գլխի մասին
Իրականացվում են պատմության և մշակույթի հուշարձանների վերականգնման աշխատանքներ
Ռուսաստանն արգելել է Վրաստանից Նաբեղլավիի և Կոկա-կոլայի ներմուծումը
Հայաստանի ԱԳՄԱ նախարարի հեռախոսազրույցը Թուրքիայի ԱԳ նախարարի հետ
Ուկրաինան հարվածներ է հասցնում Ռուսաստանում Յանդեքսի տվյալների կենտրոններին