Արժույթի միջազգային հիմնադրամը (ԱՄՀ) հավանություն է տվել Հայաստանին մոտ 25 միլիոն դոլար հատկացնելուն։ Այս մասին հայտարարություն է տարածել հիմնադրամը` հավելելով, որ գործադիր խորհուրդն ավարտել է Հայաստանի համար «Stand-By Arrangement» (SBA) պահուստային ծրագրի շրջանակներում առաջին վերանայումը։
«Այս վերանայման արդյունքում Հայաստանին հասանելի կդառնա ևս 18.4 միլիոն հատուկ փոխառության իրավունք (SDR), ինչը համարժեք է մոտ 25.1 միլիոն ԱՄՆ դոլարի։ Դրանով իսկ ծրագրի շրջանակում ընդհանուր հասանելիությունը կկազմի 36.8 միլիոն SDR (շուրջ 50.2 միլիոն դոլար)։ Հայաստանի իշխանությունները շարունակում են այս համաձայնագիրը դիտարկել բացառապես որպես կանխարգելիչ գործիք»,– ասված է հայտարարությունում։
Երևանը, ըստ հիմնադրամի, այս պայմանավորվածությունը դիտարկում է որպես նախազգուշական միջոց և չի պլանավորում ծախսել գումարն առանց ծայրահեղ անհրաժեշտության։
Հիմնադրամը նկատել է, որ SBA համաձայնագրի նպատակն է աջակցել կառավարության քաղաքականությանն ու բարեփոխումների օրակարգին՝ պահպանելու տնտեսական և ֆինանսական կայունությունը, ինչպես նաև խթանելու ուժեղ, ներառական և կայուն տնտեսական աճը։
«Հայաստանի տնտեսական ակտիվությունը շարունակում է մնալ բարձր մակարդակի վրա։ Չնայած համաշխարհային անորոշության աճին՝ 2026 թվականին իրական ՀՆԱ-ի աճը կանխատեսվում է շուրջ 5.25 տոկոս»,– նկատել են նրանք։
Միևնույն ժամանակ հիմնադրամի փորձագետները կանխատեսել են, որ ներքին պահանջարկի թուլացման և Մերձավոր Արևելքում ընթացող պատերազմով պայմանավորված առևտրային խափանումների պատճառով տնտեսական աճը որոշակիորեն կդանդաղի, լոգիստիկ ծախսերի ավելացման պատճառով գնաճը մոտ ապագայում կմնա բարձր։
Ծովի հատակին ոսկու «գանձարան» են գտել
ՊԵԿ-ը վարսավիրական և գեղեցկության ծառայությունների մատուցման ոլորտում իրականացնում է իրազեկման և աջա...
ԱՀԾ-ին կարող է վերապահվել շենքերի տանիքներին կապի սարքավորումներ տեղակայելու համաձայնություն տալու լ...
ՊԵԿ-ը ներկայացրել է հունիսի 1-ից 30-ն իրականացված համալիր օպերատիվ-հետախուզական միջոցառումների արդյո...
Արարատի ցեմենտի գործարանը վերսկսել է իր արտադրական գործընթացը
Վարդավառի տոնի կապակցությամբ Երեւանում կլինեն փակ փողոցներ
Ինչի՞ց են մահանում Հայաստանում․ մահացության հիմնական պատճառները՝ նոր վիճակագրությամբ
Նովոսիբիրսկում բենզինի ճգնաժամի պատճառով սահմանվել է հեռավար աշխատանք
Իրանի և Սաուդյան Արաբիայի ԱԳ նախարարները քննարկել են տարածաշրջանային զարգացումները
Բենիամին Նեթանյահուի և Դոնալդ Թրամփի միջև տեղի է ունեցել հեռախոսազրույց