ԲՀԿ-ն օգտագործելու է իրավական գործիքակազմերը վերահաշվարկի համար

«Բարգավաճ Հայաստան» կուսակցության նախընտրական շտաբը հայտարարել է, որ օգտագործելու է իրավական բոլոր գործիքակազմերը վերահաշվարկի համար և հետամուտ է լինելու ընտրախախտումների բացահայտմանը։

«Ներկայումս վերջնականացվում են այն ընտրատեղամասերը, որոնցում պահանջվելու է վերահաշվարկ, ինչպես նաև քննարկվում են առանձին որոշումներ և գործողություններ բողոքարկելու հիմքերը»,- ասված է հայտարարության մեջ։

ԲՀԿ-ն պնդում է, որ ստացած քվեների հետ կապված «տարատեսակ թվաբանական աճպարարություններ» են արվել։