Արմեն Սարգսյան. Հայաստանում եւ Արցախում հավատում են, որ Ռուսաստանը կարող է կանգնեցնել մարտական գործողությունները
Հայաստանում եւ Արցախում հավատում են, որ Ռուսաստանը կարող է կանգնեցնել Լեռնային Ղարաբաղի հակամարտության գոտում մարտական գործողությունները: Այս մասին հայտարարել է ՀՀ նախագահ Արմեն Սարգսյանը, հաղորդում է «ՌԻԱ նովոստի»-ն:
«Ղարաբաղում ապրող հայերը այստեղ՝ ճակատում, կամ փախստականները, մտածում են, որ Ռուսաստանը բացարձակ օբյեկտիվ պատճառներով կարող է լինել իրական միջնորդ եւ կանգնեցնել ռազմական գործողությունները»,-ասել է Սարգսյանը ռուս լրագրողների հետ հանդիպման ժամանակ:
Նրա խոսքով՝ Ռուսաստանն ազդեցություն ունի ինչպես Հայաստանի, այնպես էլ Ադրբեջանի վրա, սակայն պետք է ստիպել Թուրքիային լքել հակամարտության գոտին: Սարգսյանը կարծում է, որ Մոսկվան կարող է ազդել Անկարայի վրա:
Նախագահը հավելել է, որ հայ-ռուսական հարաբերությունները զուտ քաղաքական չեն: «Դրանք այնքան խորն են, որ դրանք կարելի է անվանել ազգային շահ »,-նշել է ՀՀ նախագահը: