Հայաստանի ավտոճանապարհներին իսկական ցեղասպանություն է
Այսօր հուլիսի 16-ին ողբերգական ավտովթար է տեղի ունեցել Կոտայքի մարզում: Ժամը 01:00-ի սահմանում Նոր Հաճն-Գետամեջ-Աբովյան ավտոճանապարհների խաչմերուկում բախվել են Եղվարդ քաղաքի բնակիչ 54-ամյա Գագիկ Եգորյանի վարած Mercedes մակնիշի 01 ԼԼ 011 համարանիշի եւ Նոր Հաճն քաղաքի բնակիչ 29-ամյա Դավիթ Մայիլյանի անվամբ հաշվառված Volkswagen մակնիշի 95 DD 559 համարանիշի ավտոմեքենաները:
Shamshyan.com-ի փոխանցմամաբ, վթարի հետեւանքով Volkswagen-ի ուղեւորուհին` Կոտայքի մարզի Քասախ գյուղի բնակիչ 30-ամյա Ալիսա Մաթեւոսյանը, մարմնական վնասվածքներով տեղափոխվել է Աբովյանի բժշկական կենտրոն, որտեղ գիտակցության չգալով, մահացել է:
Ցավոք, հայաստանի ավտոճանապարհներին իսկական ցեղասպանությունը շարունակվում է: Ընդամենն օրեր առաջ լրագրող Մկրտիչ Իսրայելյանն իր ֆեյսբուքյան էջում գրել է.
Ավտովթարների պատճառով 101 զոհ՝ 6 ամսում։ Բավական շատ են նաեւ այսպես ասած քրեական «ռազբոռկեքն» ու դրանց ժամանակ արձանագրված սպանությունները։ Սա խոսում է էն մասին, որ ներքին կյանքում կարգ ու կանոնը հսկող «բանակը»՝ ոստիկանությունը, տեղում չէ։
Top-News.am