Ապագա Հայաստանի մասին միայն այսօր չսկսեցին մտածել
Նիկոլ Փաշինյանը ներկայացնելով իր «Հայաստանի՝ մինչեւ 2050 թվականը վերափոխման ռազմավարությունը», հայտարարեց, «Ցավոք, պիտի արձանագրեմ, որ մեր իրականության մեջ, առնվազն պետական մակարդակում, առնվազն 30 տարվա կտրվածքով այդպիսի ռազմավարություն չի եղել»:
Գուցե 30 տարով չի եղել, եւ դա լավ է: Փոխարենը եղել է 15 տարվա կտրվածքով: Այսպես, 2005թ. hունիսի 29-ին ՀՀ նախագահ Ռոբերտ Քոչարյանն ընդունել էր «Հայաստան 2020» ծրագրի համակարգող խորհրդի անդամներ Ռուբեն Վարդանյանին եւ Նուբար Աֆեյանին:
Վարդանյանն ու Աֆեյանը ՀՀ նախագահին ներկայացրել էին ծրագրի հիմնական ուղղություններն ու կատարված աշխատանքների արդյունքները եւ տեղեկացրել, որ 2005 թվականի սեպտեմբերին Երեւանում տեղի կունենա «Հայաստան 2020» ծրագրի ֆորումը:
Այնպես որ, այնպես չէ, որ ապագայի մասին միայն այսօր են սկսել մտածել, իսկ նախկինում գլխի չէին ընկնում այդ մասին: Ավելին, շատ ավելի լավ եւ իրատեսական ծրագրեր էին կազմվում եւ ամենակարեւորը ոչ բյուջեի հաշվին:
Top-News.am