Նիկոլ Փաշինյանը երեխաներին կոչ արեց չսովորել
Նիկոլ Փաշինյանը, ելույթ ունենալով իր առջեւ, տարօրինակ դասավորությամբ շարված աշակերտների առաջ, հայտարարեց, թե 21-րդ դարում առանց կրթության ոչինչ անել հնարավոր չէ: Իսկ հետո այնպիսի նախադասություն ասաց, որով հերքեց իր իսկ ասածը:
«Մտածեցի, որ մեր երեխաները հիմա շատ քննադատաբար են վերաբերվում ամեն ինչին, եւ նա, ով քննադատաբար է վերաբերվում, այս նախադասությունն իր մեջ վերլուծելով, կարող է օրինակ արձագանքելն այսպես. Առանց կրթության հնարավոր է «Յաշիկ» Մերսեդես առնել: Այո, այս նախադասությունը կարող է գոյություն ունենալ: Բայց եթե հնարավոր է առանց կրթության ձեռք բերել G կարգի մերսեդես, առանց կրթության հնարավոր չէ ստեղծել G կարգի Մերսեդես»:
Մարդը, այդ թվում երեխան բնազդաբար ձգտում է լավ ապրել, ապահով լինել, միաժամանակ չտանջվել, չչարչարվել: Իսկ եթե երկրի առաջին պաշտոնյայից լսում ես, որ առանց սովորելու, առանց կրթության կարող ես թանկարժեք ավտոմեքենա գնել, ապա ինչու չարչարվել միայն նրա համար, որ այդ ավտոմեքենան ստեղծես դպրոցում վատ սովորողների, կրթություն չստացածների համար:
Նիկոլ Փաշինյանը կանգնեց երեխաների առաջ ու ասաց՝ մի սովորեք երեխաներ, միեւնույնն է, դուք առանց սովորել կարող եք թանկարժեք ավտոմեքենաներ գնել, լցնել ձեր սառնարանները: Նա կարող էր շարունակել եւ ասել, թե կարող եք խուսափել զինվորական ծառայությունից այս կամ այն եղանակով եւ բարձր պաշտոններ ստանալ, կարող եք չծառայեք, իսկ հետո փողով գնել զինվորական գրքույկը:
Կարող եք կրթությունից, գիտությունից, մշակույթից, սպորտից հազարավոր կիլոմետրերով հեռու լինեք, բայց զբաղեցնեք ԿԳՄՑ նախարարի պաշտոնը, կարող եք...
Վարդան Մխիթարյան
Top-News.am