Ինչպես են քամուն տալիս երեւանցիների փողերը եւ փող բռնում (Լուսանկար)
Երեւան: Հուլիս 11: Սայաթ Նովա փողոցի մայթից բանվորներն ակտիվորեն պոկում եւ բեռնատարն էին նետում սալաքարերը: Հանում են, որ դնեն նորերը: Երեւանին, Հայաստանին անծանոթները կկարծեն, թե մեր բյուջեն այնքան ավելցուկ ունի, որ ստիպված մայթերն անդադար նորոգում են:
Հիմա հարց քաղաքային իշխանություններին. ի՞նչը կամ ո՞վ է ձեզ ստիպում քանդել նորմալ, պիտանի սալաքարերը եւ տեղադրել նորերը: Եւ վերջապես, ո՞վ է այն մարդը, ումից մեր՝ երեւանցիների փողերով գնում եք նոր սալաքարերը:
Ավելորդ խոսակցություններից խուսափելու համար միանգամից նշենք, որ աշխարհում շատ ու շատ հարուստ քաղաքներ կան, որտեղ գոյություն ունեն հիսուն եւ նույնիսկ հարյուր տարվա սալաքարերով մայթեր: Մեկ հուշում եւս՝ կարգին ասֆալտ արեք քաղաքում, որ կես տարին մեկ նույն տեղում նորից ասֆալտ չանեք: Կարեւորը որակյալ ասֆալտ ունենալն է:
Հ.Գ. Ուշադիր նայեք լուսանկարին եւ փորձեք հասկանալ, թե ինչու են հանում այս սալաքարերը: Փորձեք հասկանալ եւ գտնել պատասխանը:
Top-News.am