Ինչպես են նորերը ծաղրում պետականությանը. Աբազյանն անցնում է Քյարամյանի տրորած ճանապարհով
ՀՀ վարչապետ Նիկոլ Փաշինյանի որոշմամբ, Արմեն Աբազյանն ազատվել է Հայաստանի Հանրապետության քննչական կոմիտեի նախագահի տեղակալի պաշտոնից:
Աբազյանն այդ պաշտոնում նշանակվել էր երեկ՝ օգոստոսի 10-ին:
ՀՀ նախագահ Արմեն Սարգսյանի հրամանագրով էլ՝ Արմեն Աբազյանը նշանակվել է ԱԱԾ տնօրենի տեղակալ։
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմիններում ծառայության մասին» օրենքի 18-րդ հոդվածի 2-րդ մասի.
Արմեն Աբազյանին նշանակել Հայաստանի Հանրապետության ազգային անվտանգության ծառայության տնօրենի տեղակալ»,- նշված է հրամանագրում։
Հիշեցնենք, որ նախագահի մեկ այլ հրամանագրով՝ Միքայել Համբարձումյանը նշանակվել է Հայաստանի Հանրապետության ազգային անվտանգության ծառայության տնօրենի տեղակալ:
Այսպիսով ԱԱԾ տնօրենն ունեցավ երկու տեղակալ: