Իլհամ Ալիեւը անարգանքի սյունին է գամել ԱԳ նախարար Էլմար Մամեդյարովին
Ադրբեջանի կառավարության նիստի ժամանակ այդ երկրի նախագահ Իլհամ Ալիեւը սուր քննադատության է ենթարկել ԱԳ նախարար Էլմար Մամեդյարովին, ասելով, որ ինքը, վարչապետը, պաշտպանության նախարարը, շտաբի պետը աշխատել են 24 ժամ, իսկ Էլմար Մամեդյարովին գտնել չի հաջողվել:
Նա վարչապետ Ալի Ասադովին հարցրել է, թե ինչ է իրեն պատասխանել Մամեդյարովը՝ ես կաշխատեմ տնից:
Ալիեւը հունից դուրս է եկել, ասել, որ Մամեդյարովը չի պատասխանել Նիրկոլ Փաշինյանի Արցախը Հայաստան է եւ վերջ հայտարարությանը, բայցի այդ ասել է, թե կորոնավիրուսի դեմ պայքարի հարցում համագործակցում է Հայաստանի հետ:
Բնականաբար, այս հայտարարություններից հետո Էլմար Մամեդյարովը, որը ադրբեջանցի ամենաարհեստավարժ դիվանագետն էր, հրաժարական է տվել: մեծ է հավանականությունը, որ նա կձերբնակալվի:
Երկար ժամանակ մամեդյարովի հրաժարականին էր ձգտում Մեհրիբան Ալիեւան, ամեն ինչ անելով, որ նրան փոխարինի Փաշաեւների կլանի ներկայացուցիչը:
Top-News.am