Ուկրաինան որոշել է աջակցել Ադրբեջանի «տարածքային ամբողջականությանը»
Ուկրաինայի ԱԳՆ-ը մեկնաբանել է հայ-ադրբեջանական սահմանին առկա լարվածությունը: «Ուկրաինայի արտաքին գործերի նախարարությունը խոր մտահոգություն է հայտնում՝ կապված հայ-ադրբեջանական սահմանին իրավիճակի սրման հետ, ինչը 2020 թվականի հուլիսի 12-ին հանգեցրել է հրետանային ռմբակոծությունների:
Մենք հակամարտության կողմերին կոչ ենք անում առավելագույն ջանքեր գործադրել՝ իրավիճակը լիցքաթափելու եւ հակամարտությունը խաղաղ ճանապարհով լուծելու համար ուղիներ որոնելու ուղղությամբ՝ միջազգային իրավունքի համընդհանուր ճանաչված սկզբունքների եւ նորմերի, ինչպես նաեւ ՄԱԿ Անվտանգության Խորհրդի 1993-ին ընդունված թիվ 822, 853, 874 եւ 884 բանաձեւերի հիման վրա:
Ուկրաինական կողմը պաշտպանում է իրավիճակի քաղաքական կարգավորումը՝ Ադրբեջանի Հանրապետության ինքնիշխանության եւ տարածքային ամբողջականության պահպանման հիման վրա՝ իր միջազգայնորեն ճանաչված սահմաններով»: