Աանցած երկու տարիները ապացուցեցին, որ առանց «սրի» էլ կարելի է հաղթել, եթե ոգին ամուր է
«Այլընտրանք» ՀԿ համանախագահ, քաղաքագետ Գարեգին Պետրոսյանը իր ֆեյսբուքյան էջում գրում է.
Որքան էլ «հեղափոխական» և «մերձհեղափոխական» շրջանակները ջանացին նախագահ Քոչարյանին վարկաբեկել և մղել քաղաքական լուսանցք, միևնույնն է չհաջողվեց: Նախագահ Քոչարյանն ուժեղ գտնվեց: Համաձայնեք, շատ քչերը կունենային բավարար կամք և ոգի, հրաշալի գիտակցելով հասցեական կամայականությունների ծավալն ու բովանդակությունը, կհամարձակվեին ինքնակամ անցնել փորձությունների ու դժվարությունների մեջով և ոնչացնել կեղծիքի ու բանսարկության այն ողջ շղթան, որը տարիներ շարունակ կառուցվել էր նրա անձի շուրջ:
Դեռ հին ժամանակներից ասում են՝ հաղթել հնարավոր է սրով և ոգով, բայց ի վերջո ոգին ունակ է հաղթելու նաև սրին: Հենց սա, կարելի է ասել, ապացուցեց երկրորդ նախագահը: Տարիներ շարունակ ներկայացվել է, որ Քոչարյանի ուժը եղել է նրա իշխանությունը, բայց անցած երկու տարիները եղան ապացույց, որ առանց «սրի» էլ կարելի է հաղթել, եթե ոգին ամուր է, վճռական և հաստատակամ:
Այսօր Քոչարյանն ունի հանրային միանգամայն այլ ընկալում՝ ողջամիտ դրական ընկալում: Սա գուցե ինչ-որ շրջանակների անհանգստացնում է, ոմանք գուցե այս փաստից միայն դառնում են էլ ավելի անօգնական, բայց հանրային իրատեսությունը՝ Քոչարյանի թե՛ անձի և թե՛ քաղաքական հնարավորությունների վերարժեվորման տիրույթում, գնալով ավելի և ավելի է առողջանում:
Եվ սա չի կարող չուրախացնել….