Արտակարգ դրությունն առնվազն 1 անգամ կերակարաձգենք. ամեն ինչ տանում է դրան. Նիկոլ Փաշինյան (տեսանյութ)
Հայաստանում կորոնավիրուսի համավարակի հետ կապված իրավիճակը շարունակում է մնալ ծանր, շաբաթ-կիրակի օրերին շուրջ հազար նոր դեպք ենք ունեցել: Այս մասին այսօր պարետատան հերթական նիստից հետո լրարգողների հետ ճեպազրույցում ասաց ՀՀ վարչապետ Նիկոլ Փաշինյանը: «Մենք ոչ միայն Հայաստանից ենք այսպիսի վատ լուրեր ստանում, այլև բազմաթիվ այլ երկրներից»,-ասաց նա:
Վարչապետը նշեց, որ իր կատարած շրջայցի ժամանակ նկատել է, որ հիմնական խնդիրը համաճարակի հետ կապված անհատական վարքի փոփոխությունն է, որ քաղաքացիները, կարծես թե այնուամենայնիվ, չեն հավատում իրենց անհատական վարքագծի ազդեցությանը կոնկրետ իրավճակի վրա: «Սա ամենակարևոր խնդիր է, և նույնիսկ ինձ համար անակնկալ էր, որ բազմաթիվ քաղաքացիների շրջապատում չէր արձանագրվել կորոնավիրուսի ոչ մի դեպք»,-ասաց նա: Վարչապետը հիշեցրեց, որ արդեն կորոնավիրուսից 491 մարդ մահացել:
«Մենք ունենք ռազամավարական կարմիր գիծ, երբ տեսնեք, որ մեր առողջապահական համակարգը չի կարողանում սպասարկել քաղաքացիներին, մենք այլ ելք չենք ունենա, քան վերադառնալ սահմանափակումների ռեժիմին և ավելի խիստ սահմանափակումներ կիրառել՝ ընդ որում իմանալով, որ սա շատ մեծ հարված է լինելու տնտեսությանը»,-ասաց նա:
Առողջապահության նախարարն էլ նշեց, որ մահճակալային ֆոնդի զբաղվածությունը մնում է բարձր, հատկապես՝ վերականեդանացման բաժանմունքում: «Ծանր և ծահրահեղ ծանր պացիենտների թիվն ընդհանուր 650 է, որոնցից 47-ին միացված է թոքերի արհեստական շնչառության սարքեր»,-ասաց նխարարը նշեց, որ ժամը երեքի դրությամբ չկա հրատապ հոսպիտալիզացիայի կարիք ունեցող քաղաքացի, ով չի հոսպիտիլազացվել:
Թորոսյանը նաև տեղեկացրեց, որ կատարված թեստերի մոտավորապես 30 տոկոսը դրական դեպք է գրանցում: Նա նշեց, որ 2600 մահճակալից 2300-ը սովորական մահճակալներ են և մոտավորապես 300-ը՝ վերակենդանացման մահճակալներ:
Արսեն Թորոսյանը նշեց, որ դիմակների հարաբերական պատշաճ կրումը մեզ մոտ էլ ապացուցել է, որ էֆեկտիվ է, քանի որ առանց դրա՝ պատիկով ավելի շատ դեպքեր կունենայինք: Նա կոչ արեց հատկապես 60-ից բարձր մարդիկ, ովքեր ունեն խրոնիկ հիվանդություններ նրանք հատկապես պահեն հակահամաճարակային կանոնները՝ պահել սոցիալական հեռավորություն, ձեռքերը հաճախ ախտահանել, և դնել դիմակ:
Պատասխանելով լրագրողների հարցերին՝ վարչապետն ասաց․ «Իրավիճակն ինքը բերում է լուծումների, բայց մյուս կողմից մենք հասկանում ենք, որ չենք կարող անվերջ արտակարգ դրությունը երկարացնել, եթե ամեն ինչ այսպես գնա առնվազն մեկ անգամ արտակարգ դրությունը կերկարացնենք»:
Նիկոլ Փաշինյանը նշեց, որ արտակարգ իրավիճակների մասին օրենսդրությունը կփորձեն կատարելագործել այնպես, որ արտակարգ դրության ռեժիմի վերացման պայմաններում կարողանան գործիքներ ունենալ՝ որոշակի հակահամաճարակային քաղաքականություն վարելու համար: «Չենք կարող անընդհատ արտակարգ դրության ռեժիմը երկարացնել, դա խնդիրր է և չենք կարող նաև հակահամաճարակային վիճակը հաշվի չառնել, այստեղ բալանսավորված որոշման պետք է գանք: Ամենամեծ խնդիրն անորոշություններն են, մենք ասում ենք, որ շատ թե քիչ, այսօր հարաբերականորեն կայուն է իրավիճակը, բայց ոչ մեկ չի կարող երաշխավորել, որ վաղն այդ իրավիճակը գլխիվայր կպտտվի: Մենք ամեն օր լարվածությամբ սպասում ենք գիշերը ժամը 12-ին՝ տեսնենք ինչպիսին է իրավիճակը»,-ասաց նա:
Վարչապետը նշեց, որ ապրիլի վերջին մեզ համար ակնհայտ էր, որ մենք լոքդաուն ասվածը չենք կարողանում պահել ոչ միայն վարչական պատճառով: «Մեր վերջին մեկուկես ամսվա վիճակագրությունը ցույց էր տալիս, որ կորոնավիրուսի տարածման հիմնական տեղը բակերը, շենքերն են»,-ասաց նա:
Ինչ վերաբերում է կատարված սխալներին, վարչապետն ասաց, որ կորոնավիրուսի պայքարի արդյունքները երզակացություններ անողները շտապում ենք: «Եթե մենք ելնենք այն իրողությունից, որ մինչև այս տարվա վերջ պատվաստվանյութը հասանալի չի լինելու, մեծ է հավանականությունը, որ բոլոր երկրներն իրար շատ մոտ արդյունքներ կունենան՝ կորոնավիրուսի հիվանդացության, մահացության: Սա համաշխարհային պրոբլեմ է և դրա մեջ առանձին վերցված լուծումներ չեն կարող լինել »,-ասաց նա:
Մանրամասները՝ տեսանյութում։