Լաս Վեգասում կբացվի մեծահասակների համար նախատեսված հանգստավայր-խաղատուն (լուսանկարներ)
Լաս Վեգասում կբացվի մեծահասակների համար նախատեսված առաջին հանգստավայր-խաղատունը, որը կունենա հսկա լողավազան, մեծ կինոթատրոն և 777 հյուրանոցային համար, գրում է Daily Mail-ը։
Հաստատությունը կբացվի Լաս Վեգասում՝ հոկտեմբերի 28-ին։ Համացանցում հայտնված լուսանկարները շքեղության սիրահարներին պատկերացում են տալիս համալիրի արտաքին և ներքին դիզայնի և առանձնահատկությունների մասին։
Հաղորդվում է, որ Circa Resort and Casino անվանումով հանգստավայր-խաղատուն կարող են այցելել միայն 21 տարին լրացած անձինք։ Խաղատունը կունենա աշխարհում ամենամեծ բուքմեյքերական գրասենյակը, հսկա լողավազանի առջև կլինի մեծ էկրան, որի միջոցով հանգստացողները կարող են հետևել սպորտային խաղերին, և կունենա 777 հյուրանոցային համար։
Այն տեղակայված կլինի Լաս Վեգասի կենտրոնական Ֆրեմոնտ սթրիթում և խոստանում է «հարգանքի տուրք մատուցել Լաս Վեգասի պատմությանը՝ այն զարդարելով ժամանակակից շքեղությամբ և առաջադեմ տեխնոլոգիաներով»։