ՌԴ-ն դիտարկում է ռուսաստանցիների բարեկամ օտարերկրացիների ուղեւորությունները պարզեցնելու հնարավորությունը
Մոսկվան դիտարկում է ռուսաստանցիների բարեկամ հանդիսացող օտարերկրացիների ուղեւորությունները դեպի Ռուսաստան պարզեցնելու հնարավորությունը, հայտարարել է ՌԴ ԱԳ փոխնախարար Եվգենի Իվանովը «Կոմմերսանտ» թերթին տված հարցազրույցում։
«Այժմ նախարարությունն աշխատում է օրինագծի շուրջ, որը նախատեսում է նրանց համար բազմանգամյա երկարաժամկետ վիզաներ ձեւավորելու հնարավորությունը ՌԴ քաղաքացի հանդիսացող նրանց մտերիմ բարեկամի գրավոր դիմում հիման վրա»։
Իվանովը պարզաբանել է, որ երկարաժամկետ վիզա կարող են ստանալ ՌԴ հյուպատոսական բաժնում օտարերկրացիները, որոնք ՌԴ քաղաքացու հետ ամուսնական կապեր ունեն, ինչպես նաեւ զավակը, եղբայրը, քույրը, թոռը, ծնողը, տատիկը կամ պապիկը։ «Կերկարացվի բազմանգամյա վիզաների ժամկետը մինչեւ մեկ տարի, ընդ որում՝ այդպիսի վիզաներով Ռուսաստանի տարածքում հնարավոր կինի ապրել ամբողջ տարվա ընթացքում առանց սահմանափակումների»,-հավելել է փոխնախարարը, հաղորդում է ՏԱՍՍ-ը։
Նա հավելել է, որ վիզան ստացողները պարտադիր պետք է ներկայացնեն փատաթղթեր, որոնք իրավական հիմք են հանդիսանում նոր ժամկետով վիզաները տրամադրելու համար։