ՀՀ-ում չկա սոցիալական ճգնաժամ, չկա տնտեսական ճգնաժամ, չկա քաղաքական ճգնաժամ. Արարատ Միրզոյան
«ՀՀ-ում սոցիալական ճգնաժամ չկա և չի եղել։ Ավելին՝ եղել են էական ձեռքբերումներ, էական քայլեր այս ուղղությամբ, որոնք արձանագրված են և, որոնց պտուղները վայելում է ՀՀ քաղաքացին։ Այս տարվա ընթացքում համավարակի պայմաններում առաջացել են չնախատեսված դժվարություններ և դրանք փայլուն կերպով առ այսօր հաղթահարվել են կառավարության որդեգրած մշակած թիրախային ծրագրերի ճանապարհով։ 2019 թվականի պետական բյուջեի կատարողականի քննարկման ժամանակ ԱԺ ամբիոնից ասաց ԱԺ նախագահ Արարատ Միրզոյանը։
Նա անդրադարձավ նաև երկրում տնտեսական իրավիճակին, ասելով, որ «ՀՀ-ում տնտեսական ճգնաժամ չկա»։
«Ճիշտ հակառակը՝ 2019 թվականին ՀՀ-ն աննախադեպ զարգացման ճանապարհ էր բռնել, որի պտուղները պիտի քաղեինք, եթե չլինել կորոնավիրուսային ճգնաժամը։ Խոստովանեք, որ կառավարությանը հաջողվում է տնտեսական իրավիճակը կայուն պահել»,-ասաց ԱԺ նախագահը։
Մանրամասները՝ տեսանյութում