Մեծ քանակությամբ կոֆեինը նպաստում է նիհարելուն
Կոֆեինը մկների մարմնի զանգվածը նվազեցնում է ախորժակի ճնշման եւ նյութափոխանակության համար էներգիայի ծախսի մեծացման ճանապարհով, ապացուցել են չինացի գիտնականները: Նրանց ենթադրությամբ` իրենց եզրահանգումները կիրառելի են նաեւ մարդկանց դեպքում:
Գիտնականները հետեւել են նեյրոնային ուղիներին, որոնք օրգանիզմի մեջ կոֆեին մտնելիս մասնակցում են ախորժակի ճնշմանը: Այս նպատակով մասնագետները դիտարկել են հիպոթալամասում տեղակայված ռեցեպտորների ակտիվությունը, որոնք արգելակում է սուրճի մեջ պարունակվող հոգեխթանիչը:
Փորձագետները հայտնաբերել են, որ կոֆեինը նպաստում է օքսիտոցինը ազատելուն, որը էներգետիկ նյութափոխանակության հզոր կարգավորիչ է:
Հեղինակները նշում են, որ փորձերի ժամանակ կրծողներին կոֆեինի չափազանց մեծ չափաքանակներ են ներարկել (մարմնի զանգվածի 1 կգ-ին 60 միլիգրամ), որոնք մարդու համար համարժեք են օրական 24-36 գավաթ սուրճին, մինչդեռ օրական խորհուրդ է տրվում օգտագործել այս հոգեխթանիչի 400 միլիգրամից ոչ ավելի:
Հետազոտությունը հրապարակվել է Nature Communications ամսագրում: