Ինչպիսի՞ն է առարկաներից կորոնավիրուսով վարակվելու հավանականությունը
Այս թեմայով
- Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները
- Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի
- Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail
- Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել
COVID-19 հիվանդություն առաջացնող նոր կորոնավիրուսը այնքան էլ հեշտ չի տարածվում մակերեւույթներին կամ առարկաներին հպվելիս: Այսպիսի հայտարարությամբ են հանդես եկել Հիվանդությունների վերահսկման եւ կանխարգելման ամերիկյան կենտրոնների մասնագետները, հայտնում է Live Science-ը:
Ինչպես հայտնի է, կորոնավիրուսը կարող է կենսունակությունը օդի մեջ պահպանել մինչեւ 3 ժամ, պղնձի վրա՝ մինչեւ 4 ժամ, ստվարաթղթի վրա՝ մինչեւ 24 ժամ, իսկ պլաստիկի եւ չժանգոտվող պողպատի վրա՝ մինչեւ 72 ժամ: Բայց հավաստի տեղեկություններ չկան այն մասին, թե վիրուսն իրականում որքան երկար է պահպանվում մակերեւույթներին եւ որքանով վարակիչ կարող են լինել այդ մակերեւույթները:
Մասնագետների խոսքով՝ վիրուսի փոխանցման հիմնական ճանապարհն է մարդկանց միջեւ շփումը: Բոլոր մյուս եղանակներով վիրուսն այդքան էլ հեշտ չի տարածվում:
Իհարկե, վարակվել հնարավոր է, եթե ձեռք տաք աղտոտված մակերեւույթին եւ այնուհետեւ հպվեք բերանին, աչքերին, քթին: Ուստի մակերեւույթները ախտահանող միջոցներով մաքրելը կարեւոր է ոչ միայն նոր կորոնավիուսի, այլ նաեւ մյուս վարակիչ հիվանդությունների կանխարգելման տեսակետից, ընդգծում են մասնագետները: