5 հատ ոսկե մատանի, քյաբաբ, ձնծաղիկ, գազավորված ըմպելիք. էջմիածնի քաղաքապետարանի 2020թ․ գնումների պլանը կազմում է 20 միլիոն դրամ
էջմիածնի քաղաքապետարանի 2020 թվականի գնումների պլանում բազմաթիվ գնումների մեջ տեղ է գտել նաև մի շարք կենցաղային գնումներ, գազավորված ըմպելիք, ուտելիք:
Այսպիսով, ըստ գնումների պլանի՝ նախատեսված է 34 հատ գազավորված ըմպելիք, չորս հատ քյաբաբ, տասը հատ շաուրմա, երկու բաժին ֆրի, ընդեղեն:
Ինչպես նաև տեղ է գտել հինգ հատ ադամանդե քարերով ոսկե մատանու գնումը՝ արժողությունը 220․000 ՀՀ դրամ: Գնումների պլանում նշված է նաև 1500 հատ «շոկոլադե» կրեդիտ քարտերի գնումը՝ արժողությունը 669․000 ՀՀ դրամ, 3000 հատ ձնծաղիկ՝ 450․000 ՀՀ դրամ, 200 հատ վարդ՝ 70․000 ՀՀ դրամ: Նախատեսված է գնել նաև հատակի շոր, ասեղ, ընդեղեն, շոկոլադ, թխվածք, միրգ և այլն:
Ընդհանուր առմամբ այլ գնումների հետ 2020 թվականի գնումների պլանը կազմել է 20 միլիոն դրամ: