Հարբած տղամարդը մտել է արջի ազատավանդակը (տեսանյութ)
Ականատեսը տեսանյութ է հրապարակել Վարշավայի կենդանաբանական այգում տեղի ունեցած միջադեպից:
Վարշավայի կենդանաբանական այգին կորոնավիրուսային համավարակի պատճառով 2 ամսյա ընդմիջումից հետո կրկին այցելուներ է ընդունել: Կենդանաբանական այգու աշխատանքային 2-րդ օրը 23-ամյա հարբած տղամարդը մտել է արջի ազատավանդակ:
Այցելուն զբոսնել է արջին հատկացված տարածքում, իսկ այն բանից հետո, երբ արջը հետքրքրություն է ցուցաբերել անկոչ հյուրի նկատմամբ, թռել է լողավազանը:
Կենդանին նույնպես մտել է ջուրը, եւ տղամարդը սկսել է փորձել խեղդել ծուռթաթին, որից հետո դուրս է եկել լողավազանից եւ բարձրացել ազատավանդակի ամենաբարձր տեղը, որտեղից էլ նրան իջեցրել են փրկարարները: Հայտնի է, որ անկոչ հյուրը միայն քերծվածքներ է ստացել:
Կենդանաբանական այգու մամուլի ծառայությունից հայտնել են, որ արջն ունի կրկեսային անցյալ եւ այդ պատճառով մարդու նկատմամբ ագրեսիվություն չի ցուցաբերել, թեթեւ սթրեսի է ենթրկվել եւ ծանր է տանում կատարվածը: Ներկայումս նա գտնվում է բժիշկների ուշադրության կենտրոնում:
Top-News.am