Սինգապուրում արգելել են հասարակական տրանսպորտում հեռախոսով խոսել
Այս թեմայով
- Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները
- Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի
- Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail
- Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել
Սինգապուրի իշխանությունները բնակիչներին արգելել են բջջային հեռախոսներով խոսել, ինչպես նաև կարգադրել են միմյանց հետ շփումը նվազագույնի հասցնել հասարակական տրանսպորտով ուղևորություն իրականացնելիս: Այս մասին հայտնում է ТАСС-ը՝ հավելելով, որ նման որոշումը նպատակ ունի նվազեցնել կորոնավիրուսի փոխանցման հնարավորությունը:
Չորեքշաբթի հրապարակվել են միջկառավարարական աշխատանքային խմբի պարզաբանումները, որոնցում մանրամասն նշվում է հունիսի 1-ից հետո կարանտինային ռեժիմից աստիճանաբար դուրս գալու քայլերի վերաբերյալ:
«Մինք միանգամայն գիտակցում ենք, որ տրանսպորտում շատ դժվար կլինի պահպանել 1 մ սոցիալական հեռավորություն, երբ կյանքը կսկսի վերադառնալ իր բնական հունին, կվերսկսվի շատ արտադրամասերի աշխատանքը, կվերաբացվեն դպրոցներն ու համալսարանները»,- ընդգծել է խմբի համանախագահ, Ազգային զարգացման նախարար Լոուրենս Վոնը:
Նա հավելել է, որ այդ պատճառով անհրաժեշտ է ձեռնարկել անվտանգության պահպանմանն ուղղված միջոցառումներ:
Մասնավորապես, իր խոսքով, «գտնվելով մետրոյում և ավտոբուսներում, բնակիչները պետք է խոսւափեն հեռախոսներով և միմյանց հետ շփումից»: Բացի դա, «կպահպանվի դիմակների պարտադիր կրումը»,- հիշեցրել է նա: