Հայաստանի արտաքին պարտքը հասել է 6.1 մլրդի
Հայաստանի պետական պարտքը հունիսի 1-ի դրությամբ կազմել է 6 մլրդ 95 մլն դոլար: Սա մեղմ ասած մտահոգիչ ցուցանիշ է, եթե նկատի ունենանք պարտքի աճի տեմպերը եւ երկրի տնտեսության վիճակը: Հաղորդում է ArmLur-ը:
Բավական է միայն նշել, որ ապրիլից տնտեսական ցուցանիշները սկսել են սահուն տեմպերով նվազել, ընդ որում՝ անկում է բոլոր ոլորտներում: Եւ մինչ իշխանությունները կփորձեն քայլեր ձեռնարկել տնտեսական անկումը կանխելու ուղղությամբ, նկատենք՝ ստեղծված իրավիճակում պետական պարտքի շարունակական աճը չի կարող որեւէ լավ բան խոստանալ:
Միայն տարեսկզբի համեմատ, պետական պարտքն ավելացել է 152,9 մլն դոլարով. հունվարի 1-ի դրությամբ այն 5 մլրդ 942.1 մլն դոլար էր:
Ի դեպ, 2008թ. տարեվերջին պետական պարտքը 1 մլրդ 906 մլն դոլար էր, իսկ հիմա՝ ավելի քան 6 մլրդ:
Այսպիսով, արտաքին ,պարտքն ավելացել է 3.2 անգամ: