Օհան Դուրյանի կինը դիմել է Նիկոլ Փաշինյանին՝ խնդրելով իրեն շնորհել ՀՀ անձնագիր
Հայտնի դիրիժոր Օհան Դուրյանի կինը՝ երգչուհի Ալիս Դուրյանը, դիմել է ՀՀ վարչապետ Նիկոլ Փաշինյանին՝ խնդրելով «30 տարվա իր արժանապատիվ քաղաքացիության համար իրեն շնորհել ՀՀ անձնագիր», որպեսզի կարողանա մասնակցել հանրաքվեին:
Գրառման մեջ Ալիս Դուրյանը նշում է, որ 1991-ից, անկախության առաջին իսկ օրերից, ամուսնու` Օհան Դուրյանի հետ, հաստատվել է հայրենիքում, ապրել ու ծառայել ժողովրդին, օգնել մեր հայրենակիցներին ու պայքարել միասնաբար, երբեք չի հուսահատվել:
«Այս գրությամբ խնդրում եմ պարոն վարչապետին՝ 30 տարվա իմ արժանապատիվ քաղաքացիության համար ինձ շնորհել ՀՀ անձնագիր, որպեսզի մասնակցեմ հանրաքվեին և «այո» ասեմ ժողովրդի իշխանությանը»,- մասնավորապես գրել է Ալիս Դուրյանը: