Պետք է հստակ հասկանան, որ Քոչարյանի դեմ գործընթացը իրավական չէ, էլ ի՞նչ ասեմ, ասեմ՝ բոյդ թաղեմ, աչքդ հանե՞մ․ Լարիսա Ալավերդյան
ՀՀ առաջին ՄԻՊ Լարիսա Ալավերդյանի կարծիքով՝ Մարտի մեկի դատավարությունը ճիշտ հունով չի ընթանում։ Այս մասին նա ասաց այսօր տեղի ունեցած մամուլի ասուլիսի ընթացքում․
«Բախումը չի լինում մի կողմով, այն միշտ 2 կողմ ունի։ բոլորը պետք է կանգնեն դատարանի առջև, որ մենք կարողանանք իմանալ։ Մարտի մեկի դատավարություններ արդեն եղել են, և դրանք եղել են շատ կոնկրետ գործերով»։
Ալավերդյանի խոսքով՝ իշխանությունները պետք է հստակ հասկանան, որ Քոչարյանի դեմ գործընթացը իրավական չէ․
«Երբ ես ասում եմ, որ ամբողջովին իրավական չէ, իրավաբանական չէ, դա գրեթե կռիվ է, դա պետք է հասկացվի։ Բուքիքիոն որ նամակ է գրում․ ասում են՝ ինքը մեր օգտին է, որովհետև չի հայհոյում։ Լեզու կա, որը պետք է ընկալելի լինի։ Դա խարան է այս երկրի և իշխանությունների ճակատին, էլ ի՞նչ ասեմ, ասեմ՝ բոյդ թաղեմ, աչքդ հանե՞մ»։